Month: March 2019

Së shpejti të gjithë shoferët në Evropë do të duhet të mësohen me një pajisje kundër shpejtësisë në makinat e tyre.

Ky vendim vjen pasi ligjvënësit e BE-së ranë dakord për legjislacionin e ri kundër qarkullimit me shpejtësi të lartë.

Legjislacioni do të kërkojë që të gjithë automjetet e reja të vendosura në treg të pajisjen me teknologjinë ISA (Asistenca Inteligjente e Shpejtësisë).

Marrëveshja erdhi pas disa muajsh negociata shpesh të tensionuara, të cilat vendosën sigurinë kundër lirisë dhe nxitën shqetësime rreth “big brother” që kontrollon shoferët.

Pajisja mund të përdorë video-kamera për njohjen e shenjave ose të dhënat e lidhura me GPS për të kufizuar automatikisht shpejtësinë e një automjeti.

Në qoftë se i vëni të dimrit apo të verës, rregulli është i njëjtë, duhet t’i ndërroni të katër gomat.

Tek automobilat e vjetër gomat e vjetra zakonisht vihen përpara (shumica e automobilave në rrugët tona kanë tërheqje me rrotat e përparme), ndërsa të rejat pas në mënyrë që mos të vijë tek rrëshqitja e veturës. Por, gomat e parme ia pastrojnë rrugën atyre të pasme, që është posaçërisht e rëndësishme verës, kur vozitësit mësohen të vozisin në të tharë, dhe pastaj papritmas bien temperaturat të cilat përcillen me të reshura, që sjell deri tek vështirësitë në vozitje.

Asgjë nuk u nevojitet të keni pjesën e pasme stabile nëse pjesa e përparme u rrëshqet dhe u largon nga rruga. Nëse me rastin e montimit të gomave, në automobilin e ri me sistemin elektronik të sigurisë vendosni gomat të shpenzuara në njërën pjesë, elektronika mundet gabimisht të lexojë gjendjen duke menduar se rruga është e rrëshqitshme dhe vazhdimisht u paralajmëron.

Është shumë e rëndësishme si qëndroni të ulur gjatë vozitjes. Shumica e ngasësve largohen shumë mbrapa me ulëse. Ajo që është shumë e rëndësishme është që ulësja të jetë e rregulluar në atë mënyrë që këmbët të mund t’i shtypin pedalet në mënyrën më të mirë.

Po ashtu është shumë e rëndësishme që ulësja të jetë sa më poshtë, që të mund të jeni sa më afër qendrës së gravitacionit, por edhe mjaftueshëm lart që të keni shikueshmëri të qartë.

Statistikat e përgjithshme mbi aksidentet rrugore në 24 orët e fundit:

Duke u bazuar  në statistikat e publikuara nga Policia e Kosovës për ditën që lamë pas, në trafik janë shqiptuar gjithsej 1268 tiketa, janë regjistruar 40 aksidente trafiku ku 15 prej tyre ishin aksidente me persona të lënduar, ndërsa nuk kishte asnjë me fatalitet.

Sikur edhe në sport, edhe në ngasje është shumë i rëndësishëm aspekti mental. Keni kohë të kufizuar të reagoni, e cila ndonjëherë matet edhe me milisekonda, ndërsa nga reagimi mundet të varet jeta juaj. Pra, përqendrimi, reagimet e shpejta dhe cilësore dhe qëndrueshmëria janë ato të rëndësishmet. Mendoni më parë dhe gjithmonë përcillni situatën para jush. Vështrojeni rrugën para jush dhe sa më larg që mundeni, për atë se gjithsesi që nuk do të keni shumë kohë që të reagoni për atë që gjendet para makinës. Po ashtu është e rëndësishme që mos të shikoni gjatë ngasjes atë që nuk ka të bëjë me lëvizjen tuaj.

Bie fjala, duhet ta vëreni vendin në të cilin duhet të frenoni para se të arrini te ai, apo njëjtë dhe në kohë të caktuar të vëreni dhe përgatiteni për kthimin në kthesa. Ta thjeshtojmë atë që u tha më lart: sytë tuaj duhet të jenë gjithmonë një hap para aksionit tuaj. Sa më larg të shikoni kjo do të duket që vetura është duke lëvizur më ngadalë dhe do të keni më shumë kohë që të reagoni. Përpiquni që edhe shikimi t’ju jetë paralel me sipërfaqen e rrugës, që do të thotë që ta mbani kokën drejt dhe të përpiqeni mos “të rrëshqitni”.

Reaksioni i shpejtë dhe efikas nënkupton edhe ekzistimin e vetëbesimit të lartë. Ngasësi i cili gjithmonë i ka dy mendje në ngasje “vetë” e fton aksidentit të ndodhë. Përqendrimi ka ndikim të madh këtu. Duhet “të eliminoni” të gjitha që ua largojnë vëmendjen nga rruga; pa marrë parasysh se a është ai telefoni celularë, bashkudhëtari, muzika apo kafsha shtëpiake. Thënë shkurt, kjo do të thotë që në ngasje duhet të futeni dhe të mbeteni gjatë tërë ngasjes me mendje të kthjellët dhe të relaksuar.

Ekziston një besim tek drejtuesit e makinave se vaji i motorit duhet ndryshuar në Verë dhe Dimër.

Vaji i motorit është gjaku i makinës suaj. Është shumë e rëndësishme që ai të qarkullojë lirshëm dhe të lubrifikojë të gjitha pjesët lëvizëse të motorit.

I quajtur viskozitet, kjo është matja që i bëhet trashësisë së vajit. Vaji i motorit në temperatura të ulëta mund të shndërrohet në melasë dhe të mos arrijë lubrifikimin e motorit gjatë një ndezjeje.

Megjithatë nëse përdorni vajin e duhur të motorit, ai ruan viskozitet të lartë edhe në temperatura të ulëta.

Por me rritjen e temperaturës, vaji hollohet. Treguesit e viskozitetit ose rrjedhshmërisë i gjeni të printuar në çdo ambalazh vaji.

Vitet e fundit, me avancimet teknologjike, në të vërtetë nuk është e nevojshme ndërrimi i vajit çdo stinë, sepse përshtatet vetë sipas temperaturave.

Ai njihet si vaj motori me viskozitet të shumëfishtë. Kur temperaturat bien, pesha e vajit të motorit ndryshon në mënyrë që të qarkullojë lirshëm në motor.

Në verë ai bëhet më i trashë për të mbrojtur motorin në temperatura të larta. Për këtë treguesit e viskozitetit përmbajnë dy statistika.

Për shumicën e vajrave të motorëve në treg sot, pesha e tyre matet me dy numra. I pari ndiqet nga një “W” dhe tregon viskozitetin e vajit në Dimër. I dyti është një numër më i lartë dhe tregon viskozitetin në temperaturë të lartë.

Por nëse vaji i motorit përshtatet sipas temperaturave, cilin duhet të blej? Një vaj motori me një tregues 10W-30 është i dizajnuar për të qëndruar i lëngshëm në temperatura -30 gradë celsius dhe të mbrojë motorin deri në 100 gradë celsius.

Ky specifikim është ideali për shumicën e klimave. Por ka faktorë të tjerë që ndikojnë në nxehtësinë e motorit si shpejtësia.

Entuziastët e makinave që duan ti shtyjnë në limite, do të shohin motorët e makinave të prodhojnë shumë nxehtësie. Një vaj sintetik 20W-50 do të mbronte motorin në temperatura të larta por edhe të qëndronte fluid në temperatura të ulëta.

Vaji sintetik, është vaj por më i rafinuar se vaji konvencional. Zakonisht kanë përbërës shtesë për të rritur performancën. Një prej vajrave më të mirë në treg është Mobil 1 0ë-40 i cili ka disa nivele viskoziteti.

Megjithatë shumica e motorëve të makinave janë ndërtuar për të funksionuar më mirë me një lloj vaji motori. Për këtë duhet të kontrolloni manualin e përdoruesit.

Statistikat e përgjithshme mbi aksidentet rrugore në 24 orët e fundit:

Duke u bazuar  në statistikat e publikuara nga Policia e Kosovës për ditën që lamë pas, në trafik janë shqiptuar gjithsej 1344 tiketa, janë regjistruar 32 aksidente trafiku ku 15 prej tyre ishin aksidente me persona të lënduar, ndërsa nuk kishte asnjë me fatalitet.

Ministria e Infrastrukturës dhe Transportit njofton publikun se për shkak të aktiviteteve ndërtimore në urën 407, për sigurinë publike, është e nevojshme mbyllja e përkohshme e rrugës nacionale M2 Kaçanik-Hani i Elezit, sipas datave dhe orareve të mëposhtme:

29 mars deri me 2 prill 2019, mbyllje e pjesërishme 08:00-11:00 dhe 13:00-15:30

Ministria e Infrastrukturës dhe Transportit kërkon mirëkuptim nga ana e pjesëmarrësve në komunikacion.

Me ndryshimin e  temperaturave presioni i gomave tuaja rritet.

Sigurohuni që gomat tuaja të kenë presionin e duhur. Vlerën e rekomanduar për gomën tuaj e gjeni në manualin e veturës suaj.

Gomat me presion të ulët të ajrit janë veçanërisht problematike pasi ato kanë tendencë për të ulur konsumin e karburantit dhe të konsumohen më shpejtë.
Kombinimi i nxehtësisë dhe presionit të ulët mund të shkaktojë plasaritjen e gomave.

Presioni i gomave duhet të matet gjithmonë në gomë te ftohtë. Prandaj në verë gjithmonë kontrolloni gomat në mëngjes , këshillojnë ekspertët.

Statistikat e përgjithshme mbi aksidentet rrugore në 24 orët e fundit:

Duke u bazuar  në statistikat e publikuara nga Policia e Kosovës për ditën që lamë pas, në trafik janë shqiptuar gjithsej 1209 tiketa, janë regjistruar 32 aksidente trafiku ku 8 prej tyre ishin aksidente me persona të lënduar, ndërsa nuk kishte asnjë me fatalitet.