Statistikat e përgjithshme mbi aksidentet rrugore në 24 orët e fundit:
Duke u bazuar në statistikat e publikuara nga Policia e Kosovës për ditën që lamë pas, në trafik janë shqiptuar gjithsej 1271 tiketa, janë regjistruar 38 aksidente trafiku ku 19 prej tyre ishin aksidente me persona të lënduar, ndërsa 1 me fatalitet.
Rripi i sigurisë nuk është i vetmi që mund t’ua shpëtojë jetën, por edhe vendi në të cilin uleni në veturë
Hulumtime të shumta janë marrë me këtë tematikë dhe është treguar që fëmijët më të vegjël se 8 vjeç kanë pasur rrezik më të vogël nga lëndimet duke u ulur në ulësen e pasme të veturës.
Ai rrezik është shtuar pak kur i kanë mbushur midis dhjetë dhe dymbëdhjetë vjeç.
Nga mosha 13 deri në 54 vjeç, hulumtuesit nuk kanë gjetur dallimin në rrezikimin nga vdekja në ulëset e pasme në krahasim me ulëset e para.
Në hulumtim kanë qenë të përfshira edhe veturat e vjetra dhe njerëzit e të gjitha moshave, mirëpo kushti i vetëm ishte që të vinin rripin e sigurisë.
Ulësja më e sigurt në veturë është treguar ulësja e mesme e pasme.
Mirëpo, kur hulumtuesit i kanë ndarë njerëzit e moshës mbi 55 vjeç në modelet e reja të veturave, ulëset e pasme janë treguar më të rrezikshme se të parat.
Kjo nuk do të thotë që ulëset e pasme në veturat e reja janë më të sigurta në krahasim me modelet e vjetra – thotë shkencëtarja Ann McCart dhe shton që rreziku nga lëndimet fatale për udhëtarët në ulëset e pasme është i ngjashëm në të gjitha modelet e veturave të cilat janë studiuar.
Dallimi qëndron vetëm që në modelet më të reja ulëset e pasme janë më të sigurta.
Rripat e sigurisë ende janë më të rëndësishëm me rastin e përcaktimit të faktorëve të rrezikut nga lëndimet në aksidentet në komunikacion.
Njerëzit të cilët nuk e vënë rripin e sigurisë kanë tetë herë rrezik më të madh që të pësojnë lëndime serioze, nëse ndodh fatkeqësia.
Në shumicën e veturave përkrah ikonës së pompës në treguesin e karburantit ka një shigjetë që tregon djathtas ose majtas, po cili është kuptimi i kësaj shigjete?
Na ndodhë shpesh që kur shkojmë në pompë të mbushim veturën me karburant të mos jemi të sigurt se nga cila anë gjendet rezervuari.
Pikërisht, kjo shigjetë tregon se në cilën anë është vendosur gryka ku mbushet rezervuari me karburan.
Statistikat e përgjithshme mbi aksidentet rrugore në 24 orët e fundit:
Duke u bazuar në statistikat e publikuara nga Policia e Kosovës për ditën që lamë pas, në trafik janë shqiptuar gjithsej 1246 tiketa, janë regjistruar 38 aksidente trafiku ku 20 prej tyre ishin aksidente me persona të lënduar, ndërsa nuk kishte asnjë me fatalitet.
Makina juaj mund të ketë shumë shpenzime. Për të minimizuar konsumin e karburantit, merrni parasysh këto tri këshilla të dobishme që do t’ju ndihmojnë në këtë drejtim.
Përdorni vaj me cilësi të lartë
Një vaj cilësor do të lubrifikojë në mënyrë optimale të gjitha pjesët mekanike të motorit, që në fund të fundit do të thotë konsum optimal i karburantit.
Balanconi gomat
Gomat e pa balancuara prishen shumë shpejt dhe ofrojnë më shumë rezistencë, kështu që motori duhet të punojë më shumë. Kështu, konsumi i karburantit rritet deri në 15 për qind.
Mirëmbani rregullisht motorin
Një makinë që nuk ka kaluar testin ekologjik ose që ka kandela të dëmtuara mund të konsumojë deri në 30 për qind më shumë karburant.
Në panairin e vitit 2019 në Gjenevë, “Bugatti” shfaqi modelin e tij më të fundit “La voiture Noire”, duke e prezantuar krijimin e tij si veturën e re më të shtrenjtë në histori.
Megjithatë ky pretendim duhet parë me shumë imtësi pasi edhe marka të tjera pretendojnë këtë titull në një segment ku mbretëron fshehtësia.
Këto modele, kryesisht bëhen me porosi të veçantë dhe shpesh herë janë unike. Më poshtë vijojnë pesë veturat më të shtrenjta në botë ku bëhet fjalë gjithnjë për ato modele vlera e të cilave është bërë publike.
“Bugatti La Voiture Noire”, është paguar për 11 milionë euro, përjashtuar taksat, nga blerësi i saj.
“Pagani Zonda HP Barchetta”, sipas markës vlera e këtij modeli arrin në 15 miionë euro.
“Rolls-Royce Sweptail”, vlera e tij zyrtare nuk është konfirmuar kurrë nga prodhuesit, por shumë burime flasin për tarifa që arrijnë në 11,4 milionë euro.
“Bugatti Divo”, prodhuar vetëm në 40 ekzemplarë, që të gjithë janë shitur me vlerën e pesë milionë eurove për copë.
“Lamborghini Veneno Roadster”, i prodhuar në një sasi shumë të limituar, vetëm nëntë modele, që janë shitur secili për 3,3 milionë euro përjashtuar taksat.
Statistikat e përgjithshme mbi aksidentet rrugore në 24 orët e fundit:
Duke u bazuar në statistikat e publikuara nga Policia e Kosovës për ditën që lamë pas, në trafik janë shqiptuar gjithsej 945 tiketa, janë regjistruar 26 aksidente trafiku ku 11 prej tyre ishin aksidente me persona të lënduar, ndërsa nuk kishte asnjë me fatalitet.