Edhe në këtë pjesë të kryeqytetit do të vendosen semaforë
Komuna e Prishtinës ka marrë vendim që për hir të sigurisë në trafik, edhe në një pjesë të kryeqytetit të vendosen semaforë. Bëhet fjalë për udhëkryqin e rrugëve Xheladin Rekaliu, Eqrem Çabej, Enver Maloku e Hajrullah Abdullah (saktësisht te furra Qerimi).
Lajmin e bëri të ditur i pari i Prishtinës, Shpend Ahmeti, përmes një shkrimi në Facebook.
“Ky kryqëzim është lokacion i shpeshtë i aksidenteve rrugore dhe pas analizave me policinë, Komuna ka vendosur për vendosjen e semaforëve.”, shkroi kryetari Ahmeti.
