Category: LAJME

Asfaltohet rruga Shajkoc – Xeherore

Zëvendësministri i Infrastrukturës dhe Transportit Rexhep Kadriu, inspektoi punimet në asfaltimin e rrugës Shajkoc-Xehrore, investim i MIT-së.

Zëvendësministri Kadriu, tha se MIT po investon në të gjitha komunat e vendit, në mënyrë që qytetarëve t’u krijohet lehtësi në qarkullim dhe qasje më e lehtë në zonat turistike të vendit.

Kjo rrugë me gjatësi 6.6 kilometra, ka kosto rreth 660 mijë euro dhe lidhë me rrugë Shajkocin, Drazhnjen e Xeheroren dhe mund të shfrytëzohet edhe për të kaluar në Orllan.

Sot u përurua zgjerimi dhe rehabilitimi i hyrjes së pikës kufitare Kosovë – Shqipëri, në Vërmicë.

Për 10 ditë, MIT, në kuadër të mirëmbajtjes rrugore, asfaltoi shiritat shtesë dhe ata ekzistentë, dhe shtoi shenjëzimin bashkë me ndriçim. 

Ministri Lekaj tha se revitalizimi i pikës kufitare do të ndikojë në lëvizjen më të lirë të qytetarëve dhe mallrave nga të dyja anët e kufirit. Ai shtoi se edhe në vazhdim do të punohet që ky kufi të mbetet simbolik. Mes të tjerash, theksoi se pret që infrastruktura rrugore të zgjerohet edhe në hyrjen e kufirit nga ana e Shqipërisë.

Statistikat e përgjithshme mbi aksidentet rrugore në 24 orët e fundit:

Duke u bazuar  në statistikat e publikuara nga Policia e Kosovës për ditën që lamë pas, në trafik janë shqiptuar gjithsej 1622 tiketa, janë regjistruar 65 aksidente trafiku ku 28 prej tyre ishin aksidente me persona të lënduar, ndërsa nuk kishte asnjë me fatalitet.

Ministria e Infrastrukturës dhe Transportit, njofton të gjithë pjesëmarrësit në trafikun rrugor se nga nesër (24.07.2019) prej orës 12:00, lëshohet në funksion rruga ndihmëse (Rreth rrotullimi​ ndihmës për qarkullim normal të trafikut), që do të përdoret deri në përfundimin e punimeve në zgjerimin e rrugës nacionale N2, segmenti hyrja në qytetin e Prishtinës nga ana e Veternikut, bashkë me urën që i lidhë rrugët nacionale N2 dhe N25.2, me kyçjen e autostradës R7 “Ibrahim Rugova”.

MIT kërkon mirëkuptimin e pjesëmarrësve që shfrytëzojnë për qarkullim këtë segment rrugor.

Me 20 korrik 2019, u hap pika kufitare Restelicë- Strezomir.

Ministri i Infrastrukturës dhe Transportit Pal Lekaj, të shtunën mori pjesë në ceremoninë e hapjes zyrtare të pikës së përkohshme kufitare Restelicë – Strezomir.

Ministri Lekaj rikonformoi zotimin e tij dhe dikasterit që ai drejton për të përfunduar infrastrukturën rrugore edhe për 5 kilometrat e mbetura deri në pikën kufitare që u përurua sot.

Pika kufitare Restelicë – Strezomir, fillimisht do të jetë e hapur vetëm në sezonë, nga 20 korriku deri më 20 gusht 2019, ndërsa në të ardhmen pritet të bëhet pikë kalimi e përhershme. 

Statistikat e përgjithshme mbi aksidentet rrugore në 24 orët e fundit:

Duke u bazuar  në statistikat e publikuara nga Policia e Kosovës për ditën që lamë pas, në trafik janë shqiptuar gjithsej 1410 tiketa, janë regjistruar 56 aksidente trafiku ku 25 prej tyre ishin aksidente me persona të lënduar, ndërsa nuk kishte asnje me fatalitet.

MIT e PK takohen për segmentin rrugor Zahaq-Hyrja e Pejës

Ministri i Infrastrukturës dhe Transportit Pal Lekaj, të enjten priti në takim përfaqësuesit e Policisë së Kosovës, drejtoria e Trafikut Rrugor Qendror dhe njësitit nga Peja. Lekaj ftoi këtë takim mes organeve të rendit dhe ekspertëve të MIT, për harmonizim të veprimeve për plotësimin e kërkesave të qytetarëve të Pejës për kyçje në rrugën nacionale Pejë – Prishtinë (Zahaq).

Me qëllim të gjetjes së zgjidhjeve pa penguar mbarëvajtjen dhe sigurinë në trafikun rrugor, një ekip i përbashkët i MIT dhe Policisë, do të jenë në teren nga nesër.

Lekaj ritheksoi këmbëngulësinë e tij që të gjenden pranë qytetarëve me infrastrukturën e duhur, sa herë që kërkesat e tyre janë të arsyeshme.