Masa të reja ndëshkuese ndaj të gjithë shkelësve të ligjit të trafikut

Policia e Kosovës përmes komunikatës për media më 12 mars 2019 ka njoftuar se ka filluar me aplikimin e masës mbrojtëse “Ndalim i të drejtuarit të mjetit me veprim motorik” ndaj të gjithë shkelësve të ligjit të trafikut. Vetëm gjatë ditës së djeshme janë shqiptuar 1321 masa të tilla me qëllim të rritjes së sigurisë në rrugë dhe parandalimin e aksidenteve rrugore. Përveç kësaj mase, Policia e Kosovës vazhdon me aplikimin e masës së gjobës me të holla.

Statistikat e përgjithshme mbi aksidentet rrugore për 24 orët e fundit

Sipas raportit të Policisë së Kosoës, brenda 24 orëve të fundit kanë ndodhur 23 aksidente pa të lënduar, 11 ku janë përfshirë persona të lënduar dhe 1 aksident me fatalitet. Në anën tjetër, gjatë ditës janë shqiptuar 1174 tiketa trafiku. Ky trend është i ngjashëm me periudhën paraprake që nga fillimi i muajit mars.

Hapja e procedurave të tenderit për angazhimin e kompanive për pastrimin e rrugëve nga Komuna e Pejës ishin bërë me 6 dhjetor të vitit të kaluar.

Tenderi kishe qenë i hapur nga 6 deri me 15 dhjetor me procedura të përshpejtuara, është thënë për Gazetën Jeta në Kosovë nga zyrtarët e prokurimit në komunën e Pejës.

Tenderi  për mirëmbajtjen e rrugëve në komunë të Pejës ishte ndarë në tri pjesë (llote). Në llotin e parë ishte paraparë pastrimi i rrugëve të qytetit, në llotin e dytë ishin përfshirë rrugët e fshatrave të Pejës, ndërsa në llotin e tretë ishte paraparë pastrimi i rrugëve të fshatrave të Rugovës.

“Njoftimi për dhënie të tenderit është bërë me 21 dhjetor, kurse nënshkrimi me fituesit është bërë me 4 janar (2016)”, tha për  Gazetën Jeta në Kosovë, Xhemë Berisha, menaxher i zyrës së prokurimit në komunën e Pejës.

Pastrimi i rrugëve nga një kompani me të cilën Komuna e Pejës nuk kishte kontratë del të jetë e dyshimtë dhe pa bazë ligjore. Në ndërkohë, Komuna e Pejës, sipas ekspertit të OSHP-së, ka bërë shkelje ligjore në tenderin për pastrim të rrugëve.

Bora që kishte rënë në tërë Kosovën në fillim të muajit janar e ka zënë në befasi të plotë Komunën e Pejës. Kjo komunë që nga muaji dhjetor nuk kishte kompani të kontraktuar për pastrimin e borës. Tenderi i hapur në muajin dhjetor ishte pezulluar për shkak të pretendimeve të operatorëve se Komuna e Pejës ka bërë shkelje ligjore.

Zvarritja e tenderit për pastrimin e borës ka bërë që Komuna e Pejës të mbetet e bllokuar nga bora për një kohë, pas reshjeve të muajit janar. Mos pastrimi i rrugëve dhe trotuareve nga bora bëri që të ketë shumë ankesa nga qytetarët  e këtij qyteti.

Ankesa të adresuar pati edhe në KALLXO.com gjatë kohës kur kishte reshje të borës. Për këto ankesa u raportua në fillim të janarit, mirëpo zyrtarët komunalë thanë së rrugët janë të kalueshme por bizneset duhet vetë ta heqin borën para lokaleve të tyre.

Pas reshjeve të shumta të borës në ditët e fundit, gjendja e rrugëve në vendin tonë është përmirësuar dukshëm.

Të gjithë menaxherët regjional me ekipet tyre janë duke punuar pandërprerë në teren. Kompanitë e kontraktuara nga Ministria e Infrastrukturës janë duke punuar pandërprerë në pastrimin e rrugëve nga bora.

Ministri Lutfi Zharku me bashkëpunëtorë, gjatë ditës së sotme ka inspektuar rrugët Prishtinë, Mitrovicë, Skënderaj, Drenas, Pejë, Deçan, Gjakovë, Prizren dhe Rahovec.

Në disa komuna të Kosovës ekipet e Ministrisë së Infrastrukturës kanë ndërhyrë për t’i ndihmuar ekipet lokale në përmirësimin e disa rrugëve për qarkullim.

Po ashtu, ai ka qenë në kontakt me të gjithë kryetarët e komunave të Kosovës, me të cilët ka biseduar për gjendjen e rrugëve në vend, duke iu ofruar ndihmë shtesë, thuhet në një njoftim.

Për shkak të reshjeve të shiut dhe rrëshqitjes së dheut, është bllokuar rruga e cila lidhë Kaçanikun me Hanin e Elezit.

Nuk është hera e parë që kjo rrugë paraqen probleme për lëvizje sa herë që bie shi.

Problemet e tilla do të zgjidhen pas përfundimit të autostradës “Arbër XHaferi” Prishtinë – Han i Elezit,e cila do të kushtojë deri në 600 milionë euro.

/Telegrafi/

Ministria e Infrastrukturës ka njoftuar se është hapur për qarkullim rruga Mitrovicë-Bajgorë, pasi ishte bllokuar nga bora që ka rënë ditëve të fundit.

“Pas punës së pa ndërprerë të ekipeve për mirëmbajtjen e rrugëve në qarkullim të plotë, është lëshuar edhe rruga Ferizaj-Hani i Elezit, vetëm për automjetet e vogla. Ndërsa, për automjetet e rënda rruga ende është e pakalueshme. Lidhur me lirimin edhe për automjetet e rënda do t’ju njoftojmë me kohë. Njëherit kërkojmë nga qytetarët që gjatë udhëtimeve të tyre të jenë të pajisur me pajisjet e duhura dimërore si dhe t’u përshtaten kushteve të gjendjes së rrugëve, por edhe kushteve aktuale atmosferike”, thuhet në njoftimin e Ministrisë së Infrastrukturës.

Rrugët nacionale dhe rajonale vazhdojnë të jenë lehtësisht të qarkullueshme.

Të gjitha ekipet janë në teren duke vazhduar punën për të lehtësuar edhe më shumë qarkullimin, për një siguri maksimale në komunikacion, thuhet në një njoftim të Ministrisë së Infrastrukturës.

Rruga rajonale Brezovicë-Prevallë është hapur, ndërsa po vazhdohet të punohet për zhbllokimin e rrugës Brezovicë-Qendra e Skijimit.

Ministria e Infrastrukturës i këshillon të gjithë qytetarët që të kenë kujdes maksimal në komunikacion duke respektuar rregullat e përcaktuara me Ligj.

/Telegrafi/